राष्ट्रिय सभाका अध्यक्ष गणेशप्रसाद तिमिल्सिनाले मुलुकमा गणतन्त्र ल्याउने दलहरूबीच नै विवाद उत्पन्न हुनु राम्रो नभएको बताएका छन् ।आज बागलुङस्थित धौलागिरि अस्पतालमा एक स्वास्थ्य शिविरको उद्घाटन गर्दै तिमिल्सिनाले गणतन्त्र कार्यान्वयन गर्ने बेला झगडा गर्दा सयौं वर्षको उपलब्धी गुम्ने खतरा हुन्छ उनले बताए । 

हामि मिलेर लड्यौ,सबैको पहलले संघीय लोकतान्त्रिक गणतन्त्र स्थापना भयो तर कार्यान्वयनमा झगडा किन गरिरहेकाछौं ?’ उनले भने, ‘गणतन्त्रलाई नैतिकता, त्याग र संघर्षको उपलब्धि नभई पैसावालाको बोलावाला बनाउन खोजियो ।’ निर्वाचन नजिक आइरहेका बेला निष्ठाको नेतृत्व खोज्ने बेलामा कोसँग पैसा छ भनेर खोज्ने बेला आएको उनले टिप्पणी गरे ।

उनले ‘अब रक्सीको बोतल, चामलका बोरा बाँडेर भोट ल्याउने होइन; बरु जनताको मन अहिलेदेखि जितौं‚ ‘राम्रोमध्येको झन् राम्रो उम्मेदवार खोजौं ।’ खुट्टा तान्ने प्रवृत्तिविरुद्ध भने लड्नैपर्ने  बताए ।