पेरिस सेन्ट जर्मेनका अध्यक्ष नासेर अल–खेलाफी र खेलकुद निर्देशक लियोनार्डोमाथि यूईएफएले अनुसन्धान सुरु गरेको छ । बुधबार च्याम्पियन्स लिगको अन्तिम १६ मा रियल म्याड्रिडविरुद्ध हार बेहोरेपछि रेफ्रीसँग विवाद गरेको उनीहरूमाथि आरोप छ ।

बुधबार रियलको घरेलु मैदान स्यान्टियागो बर्नेबाउमा पीएसजीले २–० को अग्रता गुमाउँदै खेल २–३ को अन्तरले हार बेहोरेको थियो । दुई जनाले खेलपछि डच रेफ्री ड्यानी म्याकिलेसँग विवाद गर्न पुगेको आरोप छ ।

युरोपेली फुटबलको नियामक निकायले यसबारे अनुसन्धान सुरु गरेको बताएको छ । रेफ्री म्याकिलेले आफ्नो रिपोर्टमा अल खेलाफी र लियोनार्डोले ड्रेसिङरुमको ढोका छेकेर विवाद गरेका थिए । यूईएफएले यसलाई ‘खेलाडी र अधिकारीको गलत व्यवहार’ अन्तरगत कारबाही अघि बढाएको जनाएको छ ।